Taos Pusong Makikidamay

Bulag sa gatuldok na hiwaga. Bulag sa tunay na himala. Gatuldok lamang ang pananampalataya. Tunay nga na hiwaga, Himalang gatuldok lamang Ang pananampalataya.

Kayo na po ang bahala, Hindi na ako maniniwala Sa mga sabi-sabi Na h'wag na ako mag tiwala. Ikaw lang talaga ang dapat na sisihin Sapagkat ikaw ang may nais At lahat ay may kadahilanan.

Pumunta akong langit Ang pagpasok ay may singil, Sais pesos para sa isa. Singko lamang ang aking dala. Lingon kong mabigat Sa aking likuran. Lima pa na aking kasabay, Kanila ding bitbit ay tig-iisang lima. Ako ba'y manlilimos ng lima O magpapalimos ng tig-iisa? O tulad ng iba na sadya ay wala, Anim kaming magsasama-sama. Marahil ito na ang tamang panahon Na ako'y hihingi ng tawad.